Geskenk

Dit is daardie tyd van die jaar wat almal fokus op geskenke.  Almal soek idees vir geskenke.  Party mense spandeer ure daaraan om die regte geskenke te kry, ander hardloop die 24ste Desember die winkels in en koop wat die beste op daardie tyd lyk, party mense hou daarvan om self geskenke te maak, ander om ander mense se  handgemaakte produkte te gee en nog ander verkies om "winkel" geskenke te gee.  Vir my maak dit nie rerig saak wat ek kry nie - ek is mal oor verrassing so enige iets wat toegedraai is is wonderlik.  Die belangrikste wat 'n persoon egter vir my kan gee is hulle tyd - die feit dat hulle tyd gespandeer het om iets te kry, maar die heel belangrikste of wonderlikste geskenk is die tyd wat die persoon saam met my spandeer.  want lank na die geskenke op gebruik is, op gedra is (of dalk gebreek het) dra ek die herinneringe saam met my elke dag. 

Tyd is dan ook die een geskenk wat jy jouself nooit gee nie(of min daarvan) en die een geskenk wat ons almal die meeste van nodig het.  Almal van ons het elke dag 'n bietjie tyd nodig om net ons gedagtes te orden (of as jy kinders het - net weer jou "ducks in a row" te kry).   

So my geskenk vir julle die Kersfees is ek gee elke vrou die toestemming om tyd vir jouself te neem of te maak.  Drink daardie koppie koffie in die oggend so lank as wat jy nodig het, lees daardie tydskrif lekker rustig, neem daardie borrel bad of gaan stap langs die see  - en doen dit alles op jou eie. 

Saam met die Kers seisoen gan daar groot ete gepaard - party word maande of weke voor die tyd beplan.  Dit is egter belangrik dat jy ook met die ete tyd vir jouself gee om dit saam met ander te geniet.  (anders staan jy gewoonlik alleen heeldag agter die kospotte terwyl die res van jo gaste en huisgesin heerlik ontspan of kuier).  Dit is dus belangrik dat wat jy ook al kies om te maak maklik moet wees om te maak, al neem dit dalk lank om gaar te maak.  So my tweede geskenk is  'n kostafel wat maklik is om te maak van die tafel versiering tot die nagereg. 

Tafel versiering:

Gooi 'n wit tafeldoek oor jou tafel (as jy nie 'n wit een het nie, neem sommer 'n wit laken uit die kas en gebruik dit as tafeldoek) .  Sit wit kerse in 'n ry in die middel van die tafel en dek al jou eetgery (groot bord, klein bordjie bo-op en mes en vurk bo-op kein bordjie).  By elke bord plaas jy 'n ekstra deurskynende wynglas (of lang drink glas of shampanje glas). Neem dan die klein rooi balle wat 'n mens aan die Kersboom  hang en gooi so drie (of hoeveel ook al pas in die glas) in die ekstra glas wat jy gedek het.  (Jy kan die rooi balletjie spot goedkoop koop by plekke soos PEP, R5- Stote en Crazy Store).  As jou tafel naby 'n kragprop is en jy het wit kersliggies kan jy dit tussen deur die kerse vleg en aanskakel.  Laastens kan jy enige rooi servette  koop en dit netjies op die klein bordjie sit en en messegoed bo-op.

Voorgereg:

 

    Photo by lifewithlevi.com

Vis Kelkie

Bestandele:

Dis een blikkie tuna
Fyn gekapte ui
Suurlemoensap
1 Blikkie smoked mussels
Fyn gekapte green pepper
Mayonaise
bietjie tamatiesous
bietjie chutney

Meng alles saam.  Jy kan ‘n skeppie op ‘n slaaiblaar of 'n snytjie komkommer bedien  of in 'n bakkie. Jy kan dit die oggend al maak as jy dit die aand gaan eet, gooi net die uie in voor jy eet. As jy nie tuna wil gebruik nie, kan jy ook fyn hoender gebruik.

Vir Hoofgereg kan jy die volgende Hoender gereg van die "Huiskok"maak

Hoender in die oond met suurlemoen, tiemie, rooi ui & knoffel

    Photo by Huiskok

 Bestandele:

1 heel hoender, verkieslik een wat kon rondskrop vir sy kos
2 rooi uie, geskil en elk in 6 stukke gesny
4-6 knoffelhuisies, ongeskil
35 ml Olyfolie
2 suurlemoene en ekstra squirtjie sap
sout en peper
8 takkies tiemie
250 ml witwyn
25 ml crème fraîche of room

Metode

Haal hoender 30 minute voor die tyd uit die yskas. Voorverhit die oond tot 200 °C. Gooi sowat 2 eetlepels olyfolie in ‘n oond-roosterpan, plaas die uie, knoffel en suurlemoenskywe op die bodem en wikkel met die hande die olie in.

Skuif die groente na die een kant en sit die hoender in die pan, bedruip met 1 eetlepel olyfolie en vryf die hoender daarmee in. Geur hoender goed met seesout en growwe peper en rangskik die groente om die hoender. Strooi die tiemietakkies bo-oor hoender en groente.

Rooster die hoender vir 1 uur, en skep 2 keer tydens die kooktyd van die oondsappe oor. As jy skrik as die suurlemoen en uie se puntjies swart brand, ontspan want dis wat jy soek. Toets met ‘n pen om te kyk of die vleissappe helder uitloop.

Haal die hoender, die uie, suurlemoen en knoffel uit en plaas op ‘n snyplank, bedek met foelie en laat rus vir 20 minute (die hoender moet groot seblief hierdie rus inkry).

Terwyl die hoender rus maak jy die sousie van die oondsappe: plaas die oondroosterpan op die plaat, skep oortollige vet af, gooi die wyn by en kook met sowat die helfte af. As dit te min is kan nog wyn of selfs ‘n bietjie melk bygegooi word. Druk ‘n paar spatsels suurlemoensap oor met ‘n ligte hand. Roer crème fraiche of room by, laat effe opprut om te verdik. Proe en geur na smaak.

Sny die hoender op en bedien met die sous, stukkies gaar suurlemoen, knoffel en uie. Die gaar pulp van die suurlemoen is allerbegeerlik saam met die hoender. Die knoffel se binnemurg druk jy uit en meng so deur die sousie. En sorg dat elkeen sy stukkies gebakte rooiuie kry.

Bediening: Daarmee saam bedien ek ‘n lekker geurige rys wat ek maak met vars sampioene, botter, kruie en steranys. Dan net nog ‘n eenvoudige groen blareslaai met geroosterde sade vir ‘n bietjie tekstuur en krakerigheid.


Nagereg:

Mars Bar Trifle (Essentials tydskrif)

    Photo by gastrogirl.tumblr.com 

Bestandele:

1 Standaard Sjokolade Koek (as jy dit klaar kan koop - nog beter!!)
360g Blikkie Nestlé Caramel Treat
500g Klaargemaakte Sjokolade Vla
400ml Geklopte Room
2 Mars bars - gesny vir granering
2 Eetleppels sjokolade sous om bo-oor te gooi.

Metode:

Sny die koek en pak 'n laag in die onderkant van Triffle bak (of as jy dit in aparte bakkies bedien dan in die onderkant van bakkies).  Skep die caramel bo-op die koek en maak dit glad met die agterkant van 'n warm leppel.  Gooi nou die sjokolade vla oor die laag Caramel.  Bedek met room en rangskik die Mars bar stukkies bo-op en gooi dan 'n bietjie sjokolade sous heel laaste bo-oor.

Jy kan die nagerg die aand of dag voor die tyd maak tot die stadium voor jy die room opsit en dan net die room, mars bar en sjokolade opsit voor jy dit bedien.  Jy kan ook Frangelico of Amarula likeur oor die koek gooi voor jy die res van die lae doen.

Smaaklike Ete!!!!

"Life is like a box of chocolates"

"My momma always said, "life is like a box of choclates.  You never know what  you're gonna get" 

Ons almal ken die bogenoemde uitdrukking  uit die fliek "Forrest Gump" wat daarop neerkom dat die lewe onvoorspelbaar is.  Maar kom nou!! Hoe onvoorspelbaar kan 'n boks sjokolade nou wees?!  Ek bedoel as jy 'n boks sjokolade koop weet jy, jy gaan sjokolade kry.  Meeste van die bokse het dieselfde geure en dikwels kan jy die verskillende gleure uitken aan die vorms of patrone van die sjokolade of die papier omhulsel.   

MAAR 'n "LUCKY PACKET" is 'n ander storie!!  Eerstens is die pakkie altyd so dat jy nie kan sien wat binne in is nie, jy voel-voel maar kan steeds nie raai wat daarin is nie.  Tweedens is daar nie prentjies wat aandui wat binne in is nie,(partykeer net 'n prentjie van die tema bv. Barbie of Hello Kitty (kan sien ek het 'n dogtertjie)).  Wat beteken dit is altyd onvoorspelbaar en altyd 'n verrasssing!  En dit is soos die lewe is, al probeer ons hoe hard om dit te beheer of vooruit te weet - is nie eendag dieselfde nie.  Daar is altyd iets in 'n dag wat ander as die dag voor dit en die dag na dit. 

Ek is deel van 'n boekklub wat in alle opsigte 'n Lucky Packet is.  Nie een van die ons is dieselfdein persoonlikhede nie. Elkeen verskil in beroep, stadium van hulle lewens en selfs in ouderdom.  Elkeen bring dus hulle eie uniekheid na die Lucky Packet wat maak dat elke keer as ons bymekaar kom, die kuier en geselskap onvoorspelbaar is!!  Na elke bookklub voel ek soos 'n kind wat 'n Lucky Packet oop gemaak het - verras, opgewonde en gevul met blydskap oor wat ek gekry het. 

Die einste boekklub het dié week vir ons maadelikse byeenkoms 'n "Lucky Packet" ete gehou.  Nou vir die van julle wat nie weet wat 'n Luck Packet ete is nie - dit is wanneer elkeen 'n gereg bring, maar niemandweet wat die ander een bring nie.  So as almal bv.l nagereg bring, is dit wat geeet word of as almal groente geregte bring, is dit wat geeet word ens... julle kry die ideë?  So in die gees van die Lucky packet persoonlikhede van die boekklub het ons 'n verskeidenheid van geregte en kossoorte gehad.  En as ons moet kyk na hoe laat ons klaar geeët het en wat my skaal die dag of wat daarna gesë het, was almal se geregte heerlik!! (ek het definitief met die tweede skep agter lekkerte en nie honger aan geeët nie!!) 

Daar was egter een gereg wat vir my uitgestaan het, nie net omdat dit baie lekker was nie, maar oor die feit dat jy dit as 'n bygereg nagereg of 'n soetigheid saam met tee of koffie kan bedien (so 'n lucky packet gereg).  Hier volg dit.

  

    Photo by The Food Fox

Pampoentert

Marilett le Roux

Bestandele 

125gr botter

200ml suiker

3 eiers 

250ml meel

15ml bakpoeier

2ml sout

750 ml gaar pampoen

5ml vanielje 

Metode 

Smeer 'n tertbord.  Room die botter, suiker en eiers saam.  Sif al die droë betandele in 'n aparte bak en voeg dan by die roommengsel.  Voeg die pampeon en geursel en gooi die mengsel in die tertbak. Bak vir ongeveer 40minute by 190° C 

Sous 

Bestandele

1 koppie suiker

5ml vanielje

3 eetleppels botter

1 blikkie Ideal melk 

Metode 

Kook alles saam vir 5 minute en gooi oor die terts as dit uit die oond kom. 

Die tert kan in skywe bedien word.

Ek het twee verskillende roommengsels gaan opspoor wat bo-op die tert bedien kan word..

  Photo by Nourish Network

Room/esdoringstroop en okkerneut 

Bestandele 

¼ Koppie Room

1 eetleppel esdoringstroop

2 eetleppels fyn gekapte okkerneute

Metode: 

Gooi die room in 'n klein bakkie en klits tot dit stywe punt staduim bereik. Klits die esdoringstroop by.  Bedien ongeveer 'n eetleppel van die roommengsel op die tert en strooi ongeveer 'n teeleppel fyn okkerneute bo-oor(per skyf).

    Photo byChefdanielangerer Blog

Mascarpone-haselneut room

Bestandele

1 houertjie mascarpone (kamer temperatuur)

1 houertjies haselneut smeer of nutella

¾ koppie verkoelde room

1 teeleppel gerasperde suurlemoen skil

Metode:

Klits die mascarpone en haselneut smeer saam teen 'n gemiddelde spoed vir ongeveer 3 minute of totdat dit lig en donserig is.  Klits die room in 'n aparte bak tot dit stywe punt stadium bereik.  Vou die room in die mascarpone-haselneut mengsel.  Roer in die lemoen skil.  Bedek en verkoel tot dit bedien word. Bedien ongeveer 'n eetleppel van die room mengsel op die tert en strooi ongeveer 'n teeleppel fyn haselneute bo-oor(per skyf)

Hoop julle geniet dit so baie soos ons het!!

Psssst...ons lees nie rerig boeke nie, maar moet vir niemand sê nie!

"Don't judge a book by it's cover!"

Een van die moeilikste gesegdes om nie te doen nie!! Dink daaraan, voor jy die blog begin lees het, het jy al reeds besluit of jy dit gaan lees net deur die titel te lees of na die foto te kyk.  (Hopelik het almal sommer dadelik gelees net omdat ek die blog skryf!  Sal dit nie wonderlik wees nie!)  

Emails word gelees na gelang van wat in die opskrif staan (of as jy so nuuskierig is soos ek altyd of juis omdat daar nie 'n titel in is nie).  Op facebook word mense "geken as vriende" na gelang van die foto's wat jy sien (wees nou eerlik jy kan nie al die honderde mense wat jy al in jou lewe ontmoet het onthou nie en party wil jy seker ook nie - al wat dan help om te onthou of nie te onthou nie is die foto!) 

Die persoon voor, na of langs jou in die ry word binne sekondes deur jou brein "gejudge" - bloot op hoe hulle dalk staan, wat se klere hulle dra, hulle houding teenoor die mense rondom en ja partykeer deur wat hulle gaan koop. 

By 'n funksie som jy vinning die mense op om te sien met wie jy 'n geselsie gaan aanknoop of wie jy wil vermy.  

 Alles in vandag se tyd word "gejudge" op die "omslag van die boek"  Hoekom - want niemand het of wil meer die tyd maak om verder as die "buiteblad" te kyk nie.  (partykeer is die' "storie wat jy opmaak" beter in jou kop omdat jou beter  laat voel oor jouself - meeste idees wat ons vorm oor ander is nie altyd eertse keer positief nie.  Rede - ons wil beter voel oor onsself .  En wat is nou vinniger en beter om dit te doen as om negtiewe goed oor ander te dink)   Baie keer is dit ook uit jaloesie wat ons "judge" of bloot net omdat ons nie goed oor ons self voel nie!  

Onlangs het ek 'n resepteboek gekoop met nie 'n enkele foto!!  (Iets wat ek nooit doen nie, want ek koop my resepteboek soos ek my kos kies - met my oë!!).  Ek het op daardie oomblik besluit hierdie keer gaan ek nie die boek "judge" op sy fotos nie, maar op sy resepte.  Wat 'n wonderlike besluit was dit nie gewees nie!  Die eerste resep maak is absoluut wonderlik en het my klaar inspireer om my eie fotos van die disse te neem! (dalk sien julle "my werk" in die toekoms) 

Wil julle uitdaag - word elke keer bewus daarvan as jy iets of iemand begin "judge" bllot op wat jy sien, STOP en doen die moeite om die storie daaragter uit te vind! 

Die volgende resep is om die oogaf baie vaal, maar mens het dit 'n wonderlike storie van geure!!  Die resep kom uit die Tjailaresepte boek.

 

  Foto by Roc's Rambelings
 

Madeleine se whisky-hoender 

Bestandele: 

10ml (2t) olyfolie

4-6 hoenderborsfilette

sout en varsgemaalde swartpeper na smaak

1 ui, fyngekap

30ml(2e) botter

5ml (1t) aangemaakte mosterd

15ml(1e) koekmeel

125ml (½k) hoenderaftreksel

125ml (½k) room

15ml (1e) suurlemoensap  (ek het lemmetjies gehad, so het dit gebruik)

5ml (1t) gerasperde suurlemoenskil

50ml whisky

50ml grofgekapte vars pietersielie 

Metode: 

Verhit die olie oor matige hitte in 'n braaipan en braai die hoender alkante tot goudbruin, maar nie gaar nie.  geur na smaak, skep uit en braai ui in die pan.  Skep uit en hou saam met hoender warm.  Smelt intussen botter en mosterd oor matige hitte in 'n kastrol.  Roer meel goed by totdat 'n pasta vorm.  Roer aftreksel geleidelik by om sous te vorm en prut tot die sous effens verdik.  Roer die room, suurlemoensap en -skil by en geur sous na smaak.  Roer whisky deur en plaas hoender en ui in die sous.  Prut met 'n deksel vir sowat 5-7 minute of tot die hoender net gaar is. Roer die pietersielie by en sit op pasta (vars pasta as jy kan) of kapokaartappels voor.  Gestoomde groen groente van jou keuse of 'n slaai sal lekker wees saam met die hoender. 

Ek het verlede naweek 'n kos illustrasie bygewoon en die volgende handige tips geleer - ek deel graag met julle.  (let wel dit is wat die sjef's gesê het) 

Vir warm of gekookte geregte hoef die bestandele nie altyd tot die presiese ml gevolg te word nie.  (in die bogenoemde geval mag ek dalk 'n "druppel of twee" meer whisky bygesit het nie).  MAAR as jy bak (koeke, terte ens.) is dit 'n ander storie en moet die hoeveelhede presies gevolg word. 

Jy kan "blikkie dessert cream" gebruik in kos in plaas van regte room

Voeg jou speserye aan die einde by (het dit gedoen met die hoender hierbo en dit het heerlik geproe - meer smaak) 

Om te keer dat room "skif) as jy suurlemoen of asyn by sit - voeg die room aan die einde van die resep by net voor op bediening. 

Gebruik altyd dieselfde grootte eier dwarsdeur die gereg. 

Jy hoef geen sout of olie in die water te gooi as jy pasta kook nie - net sout na die tyd.  Olie dien geen doel nie 

Eksperimenteer met resepte!

People are like cakes or cookies

Mmm.. sal julle seker sê en wonder hoe ek by hierdié een uit gekom het!  Dink daaraan, maak nie saak hoe hard ons probeer om elke keer 'n koek perfek te kry nie(of dieselfde te kry as die vorige keer nie), ons kan dit net nie regkry nie.  Elke koek wat jy maak is  êrens verskillend - net soos mense.  Geen mens op aarde is 100% persent dieselfde nie en geen mens op aarde is perfek nie (al dink ons partykeer ons is) 

'n Mens kry daardie baie "over the top" mense wat soos 'n troukoek is.  Altyd stunning van buite, maar dikwels is jy te bang om hulle te benader omdat hulle "hoer as jy in status voel".  Party is ook net soos troukoeke per geleentheid mense - hulle is per geleenthied vriendelike/ per geleentheid "opgetof" of hulle gaan net na seker geleenthede toe. (if you know what I mean)

Jy kry die birthday koeke (altyd harde werk vir die ma!).  Jy sit ure daarin om perfek aan die buitekant te lyk of jy worstel om die imperfections toe te maak met die wonderlikeste versierings.  Dit het gewoonlik die volgende tot gevolg:

   Photo by SAMSD

Mense dink jy is pragtig, maar eintlik is jou binnekant nie so mooi nie. (die koek lyk nie mooi sonder die versiering nie of dit proe sleg) 

Mense bewonder jou op 'n afstand, maar doen nooit die moeite om die werlike jy te leer ken nie (die koek word gemaak, maar nooit geeet nie) 

Jy is nie heeltemal perfek nie, maar jy is mooi van binne en mense wil jou graag leer ken(die koek smaak lekker)

    Photo by www.pinkcakebox.com

Dan kry jy mense wat glad nie perfek is nie, maar jou net so aanraak met hulle persoonlikeheid of wie en wat hulle is - dat jy nie anders kan om hulle raak te sien of te wil leer ken nie (my haarkapper)

    Photo by Frugalicious Living

Ek het onlangs 'n kennis oor die internet gemaak wat soos 'n choc chip koekie is -  'n staatmaker, altyd lekker om te sien en te eet en met 'n bietjie verassings of fun element!

   Photo from www.blagger.co.uk

Jy kry die gemmer koekies tipe wat altyd daar is en altyd reg is om jou te versorg of beter te laat voel (veral as jy swanger en naar is)

   Photo by Kraft foods

Jy kry die klein shortbread koekies (wat hulle saam met jou koffie by die coffee shops bedien).  Hulle is klein of lykmaar gewoon - maar ooo! is hulle darem nie maar denamiet in klein pakkies nie! 

So kan ek vir altyd aanhou (ek is seker julle kan aan nog 'n paar "menslike koekies" dink).  Ek wil egter 'n chocolate mud koek wees - oneglooflik in smaak (fun/vriendelike/gelukkig en liefdevol van binne), plat op die aarde en kinderlik (soos kinders wat met modder speel) en mooi genoeg van buite om tevrede met myself te wees, maar nie perfek nie.... 

So as ek nou 'n baie goeie en korrekte blog skrywer gewees het sou ek nou die resep vir julle in afrikaans vertaal het, maar nou ja, nou is ek nie - ek is net 'n gewone vrou!  So hier is dit in Engels!  Ek sluit ook 'n allergie vrye een in - ook in Engels!

 

     Photo by Simon Food Favourites

Chocolate Mud Cake

Ingredients: 

250 ml butter

280 ml good milk chocolate (200g)

15 ml instant coffee (1 tablespoon)

375 ml boiling water (1 ½ cups)

440 ml sugar (1 ¾ cups)

2 eggs

375 ml self raising flour (1 ½ cups)

175 ml cocoa powder (½ cup) 

Method: 

Preheat the oven to 150°C (300F).  Lightly grease and line the tin (12.75x15cm) with butter and baking paper.  Dissolve the coffee in the boiling water.  Place butter into a saucepan and slowly melt on a low heat, add chocolate and melt.  Add coffee and sugar into the chocolate mix and stir until sugar is dissolved.  Transfer mixture into a large bowl and allow to cool for 10 minutes.  with an electric mixer, add eggs, one at a time. Sift in half the flour an cocoa powder and mix until combined.  Add the rest of the flour .  Pour into cake tin and bake for 1 - 1 ¼ hours.  test with a skewer in the middle of the cake.  Cool cake before turning out. Allow cake to cool completely before decorating/icing.

Ganache

Ingredients: 

210 ml milk chocolate (150g)

210 ml dark chocolate (150g)

84 ml thickened cream (1/3 cup)

Method: 

Place chocolate and cream in a medium, heavy-based saucepan over very low heat.  Stir frequently, and remove from heat when chocolate has just melted and mixture is smooth.  If necessary, allow the genache to cool slightly at room temperature to obtain a spreadable consistency.

    Photo by Tara Humphries

Allergey free Chocolate Mud Cake

Ingredients: 

200ml dairy free margarine

280ml dairy free chocolate

375 ml brown sugar

60 ml cocoa

60 ml water

250 ml plain flour or gluten free plain flour

190 ml self raising flour or gluten free self raising flour

40 ml white vinegar

5 ml vanilla

Method: 

Preheat oven to 180° C.  Grease and line 24cm spring form cake tin with two layers of baking paper.  in a large saucepan place the margarine, choclate, sugar, and water.  Slowly heat until the margarine and chocolate has elted completely.  Sift the dry ingredients into a large bowl.  Add the vinegar, vanilla and the chocolate mixture.  Beat with an electric mixer until well combined.  Pour into the prepared tin.  Bake in a moderate oven for 35-40 minutes until ther cake is crispy on the top but still moist in the middle.  Allow the cake to cool completely then dust with icing sugar or decorate with ganache.

Ganache:

Ingredeints: 

250ml unsweatened plain soymilk

625 ml dark dairy free chocolate chips

Method: 

In a small saucepan over low heat, combine the soymilk and chocolate chips.  Stirring freqeuntly, cook until the mixture is well combined and the chocolate has a glossy finish. Remove form heat.  If necessary, allow the genache to cool slightly at room temperature to obtain a spreadable consistency.

Laat my weet watter tipe koek of koekie jy is!

" Die lewe is nie soos in die movies nie!"

Ja- Ja ek weet ek het lanklaas geblog, maar die LEWE het gebeur.  Kind twee keer in hospitaal, werks-, huis- en sosiale verpligtinge en tussenin spook 'n mens om "sane" te bly! 

Dit bring my by vandag se "tema".  'n Mens hoor dikwels mense sê die lewe is nie soos in die movies nie (my man sê dit gereeld vir my of sê dat ek so dink!).  En ek stem meeste van die tyd saam.  Ek het egter onlangs 'n movie ontdek wat reedelik na aan die regtige lewe is: Marley &  Me!

Met die uitsondering dat geen vrou soos Jennifer Aniston lyk (in die movie) die dag na sy geboorte gegee het nie.  Ek bedoel meeste van ons het nie eers so 'n lyf voor die tyd nie, wat nog te sê van die dag nadat jy geboorte gegee het!! 

Die lewe van die twee persone in die movie is egter soos dit in die werklike lewe gebeur.  Jy ontmoet iemand wat jy van hou, julle begin date, raak verloof (en soos in die movie - het die meisie gewoonlik al 'n lys van dinge van hoe haar lewe saam met die man gaan verloop) en dan trou julle.  Die vrou het haar beroep en die man syne en dit is gewoonlik die fokus vir 'n tydlank - klim daardie loopbaan leer!!  Dan begin die man de gevoel te kry dat die vrou dalk kinders wil kry en met 'n gevoel van gewoonlik paniek word 'n troeteldier aangeskaf (gewoonlik 'n hond) om die vrou se biologiese klok 'n bietjie satediger te maak. Uiteindelik kan die onvermeidelike van kinders he nie meer vermy word nie en word die item "op die lys" inwerking gestel.  Vir die vrou begin die lewe half klaar verander nog voor die swangerskap begin - die loopbaan begin half klaar na die agtergrond skyf, maar vir die man droom hy steeds hard aan die ideale werk en die sukses wat saam met dit gaan.  Maar soos in die regte lewe as jy uiteindelik die een het moet jy nee se vir die ander.  Die vrou raak swanger net wanneer die man die ideale werk kry wat opwindend is en beteken hy gaan die wêreled deur reis!   

Dit is egter die volgende dinge wat vir my rerig ooreenstem met die regte lewe:

·        Die vrou se eerste wangerskap eindig in 'n miskraam - dit gebeur dikwels so in die regte lewe - die eerste keer is nie altyd perfek nie!

·        Wanneer die baba daar is begin die ma met haar skuldgevoel van waar sy moet wees.  In die movie sê die vrou die volgende "wanneer sy by die werk is dink sy aan haar kind en wil sy by hom wees en wanneer sy by hom is, dink sy aan die werk en wat sy daar moet doen" .  Ek dink meeste ma's kan hulle vereenselwig met die gevoel. (die ma besluit om by die huis te bly)

·        Die aanpassing is groot, veral as 'n tweede kind kom.  Die pa se lewe gaan aan soos voorheen, die ma worstel om kop bo water te hou met te min slaap, in die middel van die dag te gaan bad, kinders in ''n roetine te hou en aan die slaap te kry (en dit met 'n blaffende hond).  Klink dit dalk bekend? En dit lei ook dikwels tot frustrasie tussen die man en vrou wat die een "verstaan" nie die ander een se lewe nie.

·      Ouerskap lei tot die volgende "gevoelens/ontdekkings.  Die ma voel sy het haarself verloor en weet nie meer wie sy is nie, die paartjie onthou nie meer die sexy, fun paartjie wat hulle was nie!  Sy sê" niemand vertel vir jou hoe moeilik en harde werk die huwelik en kinder groot maak is nie"  Ek dink dit is waar, maar ek dink ook selfs al doen mense sal jy hulle nie glo nie of nie verstaan tot jyself daardeur gaan nie.

·        Hulle besef egter dat net omdat die dinge moeilik is, jy nie net kan opgee omdat dit moeilik is nie (of die hond weggee omdat hy blaf nie)

·        Die "lewenslesse" in die movie (of wat ek waarneem) is die volgende: Jy is verantwoordelik vir jou eie geluk en dat 'n huis of werk nie vir jou die werlike geluk in die lewe bring nie; jou geluk is gewoonlik waar jou geliefdes is; ons altyd wil he wat ons nie kan kry nie en wanneer ons wel dit kry, ons besef dat dit nie is wat ons wou gehad het nie (dit was ons oorspronklik gehad het was reg); dat die lewe nie regverdig is nie (die hond gaan dood), maar die lewe gaan aan. 

Klink enige van bogenoemde dalk bekend? Dan beteken dit dat jy besig is om te die lewe te leef en dat jou lewe wel soos in die movies is!  Net msikien nie die romantic, action of fairytail nie, maar die "reality" soort! 

Om die lewe makliker te maak of om julle kans te gee om die movie te kyk - gee ek vir julle 'n resep wat lekker is, maklik om te maak, gou is om te maak en jy kan dit vries! So maak een ekstra sodat volgende keer as die werklikeheid inskop en jy 'n breek nodig het, jy dit net kan uithaal en ontvries!

Korslose Tuna Tert

deur Linda 

Bestandele: 

125 ml Koekmeel

5ml Bakpoeier

1ml sout

125g gaar, gesnipperde spekvleis

250ml gerasperde cheddarkaas

2 x 170g blikkies tuna , goed gedreineer

2 eiers geklits

375 ml melk

2 ml paprika

1 uie, gerasper

Metode: 

Voorverhit die oond tot 180° C en smeer 'n oondbak met olie/botter.  (jy kan ook 'n muffin pan gebruik as jy individuele tertjies wil hê).  Meng die meel, bakpoeier en sout saam.  In 'n aparte bak meng die volgende goed saam:  gaar spek, kaas, tuna, eiers, melk, paprika en ui.  Voeg die droë bestandele by en roer tot gemeng.  Giet in oonbak en bak vir 30-40min tot ferm en goudbruin.  Laat vir 10-15min afkoel en sny inporsies. 

Jy kan dit bedien met slaai of slaai en kapokaartappels. 

As dit te "droog" is na smaak, kan jy volgende keer 'n bietjie meer melk byvoeg.

'n Laaste ding wat jou"reality movie" makliker gaan maak: 

Elke vrou moet die jaar vir 'n Philips Food chopper kry.  Vir party is dit dalk 'n bietjie "pricey" maar glo my dit is elke sent werd in tyd en moeite wat jy spaar!!!

 

Something old - Something new

Party weke of dae voel soms soos die weer vandag is.  Dit is koud, bewolk, hulle sê dit gaan reën, maar dit doen nie.  Die wind waai. Nie stormsterk nie, maar ook nie min genoeg om jou nie te pla nie.  Kortom dit 'n week of dag wat daar nie veel gebeur nie - dit is maar net.  So gewoonlik soek 'n mens dan iets om dit te verander, iets wat moet gebeur.  Party mense gaan kuier die aand om, party mense besluit op die ingewing van die oomblik om by 'n gym aan te sluit of een of ander stokperdjie op te neem. Daar is mense wat skielik dink hulle werke is nie meer opwindend genoeg nie of dalk hulle huis of verhouding!  

Maar eintlik al wat dit is is dat ons die allerdaagse dinge moet opwindend maak.  Probeer 'n nuwe resep, doen moeite met hoe jy dit opdien of hoe jy die tafel dek.  Doen moeite met jou grimering, jou klere, jou hare of wat se bykomstighede jy aansit.  Leer jou kind 'n nuwe speletjie.  Steek kerse aan as jy gaan bad.  Maak spesiaal vir jou anderhelfte iets om te drink in 'n mooi koppie of bedien dit dalk op 'n mooi skinkbord met 'n blom. 

Dié ideë of uitdaging is nie om altyd iets nuuts of opwinden te soek om vir die ou of gewone te verruil nie, die uitdaging is om dit wat jy het met "nuwe oë" te sien, op 'n ander manier te doen of te beleef!

Ek dare jou!

Hier is 'n bekende resep - maak dit spesiaal deur mooi te bedien of 'n spesiale wyn mee saam te drink.

Spaghetti Carbonara - Marilette le Roux

  Italiaan Chef

  Heath Robbins

Bestandele:

15 ml Olyfolie

250 g Bacon (in klein blokkies gesny)

125 ml room

50 g Parmesaan kaas gerasper

50 g Pecorino kaas gerasper

5 Eiergele geklits

Gemaalde swartpeper

500 g Spaghetti

Verhit olyfolie in pan en braai bacon tot baie lekker bros. Voeg room by en laat room warm word. Meng die twee kase in aparte bak met die eiergele en geur met swartpeper(jy kan ook ‘n bietjie Ina Paarmans Garlic en Herb by gooi). Kook pasta volgens aanwysings op pak en dreineer. Meng warm room en bacon deur pasta en voeg eiergeel en kaasmengsel by. Meng goed deur ensit onmiddelik voor. Genoeg vir 4 mense.

Stuur asb. vir my fotos van hoe julle dit bedien het!!