Vrouens kan bestuur en grimeer,op die selfoon praat (nie dat ons dit doen nie), sms, boek lees en die nuutste een - movies kyk! Mammas kan ook nog die kinders agter entertain deur saam te sing, iets aan te gee wat hulle nodig het, gesigte trek en ja ook dissipline toe pas waar nodig. Mans kan dit nie doen nie. Ek het nou die dag 'n man sien bestuur en sms - behalwe dat hy elke twee minute die motor in 'n ander baan gehad het, kon ek sien hy gaan die hele pad stad toe neem om te sms! (kon ook nie die getoet van anders motors hoor nie)
Vrouens kan praat en luister - ons kan besig wees om met iemand te praat, maar ook bewus wees van 'n ander gesprek langsaan -veral as dit skinder nuus is! Mans kan nie. Hulle kan net praat of luister en in die meeste gevalle kan hulle nie eers een van die twee doen as jy na vrouens se "klagtes" luister nie.
Vrouens kan besig wees met iets en hulle koppe die res van die dag beplan, wat nog gedoen moet word, watter kos vannaand gemaak moet word, wat jy kort vir die gereg, wat se aktiwitiete die kinders het ens. ens...
Mans kan nie. As hulle kon sou dit nie nodig gewees het vir hulle meisies/vrouens om te skimp oor wanneer dié einste meisies/vrouens se verjaarsdae is nie of herdenkings of vir "that matter" die hele familie en vriendekiring se verjaarsdae nie! Daar sou ook nie miljoene rande aan advertensies spandeer word om hulle te herinner aan Moedersdag, Valentynsdag ens nie. Nog voorbeeld op die een nodig?!
Die dag wat jy ma word, kry jy die "Superhero" krag van multi tasking!! Mammas kan meeste van die dinge rondom babas saam met meeste van die daagliks take doen - nie omdat hulle wil nie, maar omdat hulle kan. Mammas kan op die telefoon praat, kos maak, die kinders se russie opbreek, die kat van die tafel afjaag!
Vrouens is die superhero's van multi-tasking - dit is die een ding wat jy nooit moet aan twyfel nie en een van die belangrikste eienskappe wat op jou CV moet kom. Hoekom? Want mans kan nie! En dit is hoe ons altyd die oorhand sal hê!! Hoo Haa vir vrouens!!
In die gees van multi-tasking het ek na 'n resep gaan soek wat beide as hoofgereg en nagereg kan dien. En wat is beter as pannekoek!!
Hier is twee resepte vir pannekoek maak (een met nutty wheat en een gewoon). Maar as jy baie mult-itasking het om te doen, koop sommer die pakkies wat jy binne 5 minute kan aanmaak vir R10.00. Die vulsels is oneindig!
Beslag:
Nutty Wheat Pannekoek resep:
Vol resep (halwe resep in hakkies)
Bestandele:
· 3 Koppies Koekmeel (1½ koppie koekmeel) - gesif
· 3 Koppies Nutty Wheat (1½ koppie nutty wheat) - gesif
· 5 Grooteiers (Of 6 kleintjies) (3 Groot Eiers)
· 1½ Koppies kookolie (¾ Koppie olie)
· 3 Eetlepels asyn (1½ eetleppels asyn)
· 1½ teelepels sout (¾ teeleppels sout)
· 5 Teelepels Bakpoeier (2½ Teeleppels bakpoeier)
· 8 Koppies Water (4 Koppies water)
Klits eiers en water baie goed. Gooi kookolie, asyn en sout by en klitsweer baie goed. Gooi meel(gesif) by en klits weer baie goed. Gooi bakpoeier laaste by en klits vir ± 1 minuut. Hoe langer die mengsel staan voor gebruik, hoe beter. Die mengsel kan indieyskas gebêre word vir ± 1 week.
- Ronel Lewies-
Gewone Pannekoek:
Bestandele:
· 1 Teelepel sout
· 2 Koppies water
· 2 Eiers
· 2 Koppies meel
· 2 Teelepls bakpoeier
· ½ Koppie olie
· 1 Teelepel suurlemoensap
Klits al die bestandele saam en sit in die yskas vir 'n halfuur.
"Tips" vir 'n goeie pannekoek:
· Jou pan moet gelyk wees.
· Verhit 'n klein bietjie olie in die pan (genoeg dat die bodem voldoende bedek is)
· Sodra daar 'n "rokie" trek is die pan reg vir die pannekoek.
· Gooi die ekstra olie uit of vee dit uit met handoekrol en begin bak.
· Gooi 'n dun lagie (gebruik sop lepel) van die deeg(genoeg dat die hele bodem toe is)
· . Wag tot die rand van die pannekoek begin "oplig" en die midelste deel "bubbles" maak en draai dan die pannekoek om met 'n spaan.
· Net geoefende shef moet dit probeer gooi!!
· . Vir die vries van pannekoek: Sit ;n laag bakpapier tussen pannekoeke, plaas pannekoek in 'n "freezer bag" en vries. Om te "defrost": Haal dit 'n uur voor die tyd uit. Stel jou oond op 140° C . Bedek die pannekoek met foelie(nie te styf nie) en bak vir 10-15 minute
· As jy baie fancy wil wees kan jy witsous en kaas oor enige sout gevulde pannekoeke gooi en in die oond bak tot lig bruin.
Sout vulsels:
Worsie onder die kombers
Bestandele: (Hoeveelhede gelang na aantal pannekoeke)
· Gebraaide wors
· Gerasperde kaas
· Gekapte sampioene en ui
· Soet rissie sous(opsioneel)
· Greenpepper gekap (opsioneel)
Braai die ui en sampioene in botter. Voeg sout en peper by na smaak. Die sweet rissie sous kan of aan die einde by gevoeg word of sommer saam met die ui en sampioen mengesel. Plaas wors binne in die pannekoek. Skep die mengsel oor die wors en sprinkel die kaas bo-oor! Heerlik
Spinasie en spek vulsel
Bestandele:
1 - 2 pakkies vars spinasie
2 uie
1 pakkie gesnipperde spek
1 pakkie sampioene
250 ml room
Kook spinasie in bietjie sout en water tot gaar. Braai uie, spek en sampioene saam.Meng met room en spinasie, en voeg sout en peper by na smaak.
Smeer 'n pannekoek met die mengsel, plaas 'n volgende pannekoek bo-op, en gaan so aan tot jy al die pannekoeke besmeer het, en opgestapel het.
2 uie
1 pakkie gesnipperde spek
1 pakkie sampioene
250 ml room
Kook spinasie in bietjie sout en water tot gaar. Braai uie, spek en sampioene saam.Meng met room en spinasie, en voeg sout en peper by na smaak.
Smeer 'n pannekoek met die mengsel, plaas 'n volgende pannekoek bo-op, en gaan so aan tot jy al die pannekoeke besmeer het, en opgestapel het.
No comments:
Post a Comment