'n Slaaitjie saam met die braaitjie...

Ek het 'n versoek gekry vir 'n lekker groente slaai resep  - iets wat 'n mens saam met braaivleis kan geniet.  Hier is een van my gunstellinge en die verskillende opsies verseker dat jy elke keer gaan beïndruk!!

 P.S. Die slaai kan ook as 'n maaltyd geniet word deur bv. spek, seekos of hoender by te voeg

Broccoli Salad

Ingredients:

1 head broccoli and 1 head cauliflower

1/2 cup chopped red onion

1 cup shredded cheese

Raisins to taste

Creamy Dressing:

(die een wat ek natuurlik verkies)

1 cup mayonnaise

1/4 cup vinegar

1/4 cup sugar

OR

Dressing-oil/vin:

1/2 cup salad oil

1/4 cup apple cider vinegar

1/4 cup sugar

1/4 tsp. dry mustard

salt and pepper to taste

Directions:

Cut up broccoli and cauliflower’s flowerettes into bite-sized pieces. Cut up enough for about 4 cups of flowerettes. Add onion, cheese and dressing. Refrigerate 2-3 hours or overnight.  (Hoe langer dit staan, hoe beter raak dit - soos vrouens wat ouer word!!!)

Here are a few alternatives for dressings: 

Miracle Whip-instead of mayonnaise

Yogurt-usually mixed with mayonnaise 50/50.

Vinegar-any type will do such as apple cider, red wine or any flavoured.

Lemon juice-can be used with/instead of vinegar.

Sugar-substitute with Equal or Stavia.

Here are some popular add-ons for this salad: 

Celery,Green onion,Olives,Peas,Carrot-sliced,Peppers-red,yellow, orange,jalepeno,Chopped nuts,Sunflower seeds.

Bacon (6-8 slices) - When using bacon, crumble bacon into bits, add to bowl and toss salad just before serving.

Hoop julle geniet dit!!

 

Die Kat, Die Voël en Die Kind..

Dit is nogals moeilik om vir kinders te verduidelik van dinge soos dood, seks ens., veral as hulle onder die ouderdom van 4 jaar is en nie altyd verstaan nie (of baie eerlike en opregte vrae vra).  Baie ouers vrees hierdie oomblikke en gewoonlik vang dit jou wanneer jy dit die minste verwag.  

So het ‘n kennis se dogterjie een dag aan tafel (vol gaste) gevra “mamma hoe het pappa die saadjie in mamma se maag geplant?”  (Die ma se vorige verduideliking van hoe haar baba sussie in haar ma se maag beland het). Noodeloos om te sê was die ma se gsig rooi van verleentheid  en gaste  hard besig om hul lag te onderdruk!!!

Tydens gister se Sondamiddag kos maak, roep my dogtertjie my “mamma, Wollie (die katjie) het dít gebreek”  My eerste gedagte is dat hy seker weer een van die “decorating balle" (daardie wat jy in ‘n bak op ‘n koffie tafel sit) gebreek het - van die baie wat daar was, het hy al meeste stukkend “sokker” mee gespeel.  Met nadere inspeksie sien ek egter dat hy so pas sy eerste voëltjie in gebring het (iemand het eenkeer vir my vertel dat dit ‘n teken is dat hulle lief is vir jou – dankie tog die mensdom wys nie hul liefde op dieselfde manier nie!!). My eerste reaksie is afgryse en toe slaan dit my tussen die oë – hoe verduidelik ek nou die dood van die voëltjie!!  Gelukkig vir my is die lyf en kop weg en is dit net die twee vlerk gedeeltes wat ingedra is, so my dogtertjie is nie rerig bewus wat dít is wat Wollie “gebreek het nie”.  Ek dink dadelik “hier kan ek nou die verduideliking vryspring, nou net rustig my man roep en hom stil stil vra om net die oorskot te verwyder”.  My man kom in en sê o, Wollie het ‘n voëltjie gevang (so much vir stil en kalm!).  Ek verwag dat sy in trane gaan uitbars...

Sy draai om en sê vir my: “mamma het Wollie die voëltjie gebreek?” Ek probeer hard my lag onderdruk, slaag nie baie goed daarin nie, maar antwoord ja.  Die volgende vraag volg vinnig : “mamma kan die klein voëltjie nou nie meer vlieg nie?” Steeds hard besig om my lag te onderdruk, antwoord ek ja.  Ek besef met die volgende vraag gaan ek die dood moet verduidelik (my kop begin oortyd werk, ek voel my hande word klam) sy maak haar mond oop...

O!

Is al wat sy sê terwyl sy omdraai en die kat begin raas omdat hy die voëltjie gebreek het!!  Ek dink by myself  – dankie tog vir die onskuld van ‘n kind, die kat wat my so pas gered het en maak ‘n nota vir die volgende keer wat jy moet verduidelik dat iets “gebreek het”  

Hoop die Maandagaand hanteer julle sagkens!!!

Naweek Kos!!

Kan julle glo dit is Vrydag!!!  Dit het net nou  buite gereën en soos gewoonlik assosieer ek reën met kos, hot chocolate en wyn!!  Is lus vannaand vir ‘n lekker Boereworsrol (soos net Suid Afrikaaners dit kan maak!)  Een met lekker gebraaide smoor.  Die geheim is in die smoor.  Ek dink dit is nogals ‘n talent om ‘n lekker smoor te kan maak(het al regtig slegtes geproe).

My “ex” buurvrou(ons het getrek) het definitief die talent gekry(my man het by geleentheid gesê dit is die lekkerste een wat hy nog geproe het – en nee hy het nie alleen by haar gaan eet nie!!), nog 'n persoon wat dié talent gekry het, is my man se ouma.  Ek was baie bevoorreg om dié resep by haar te kry.  Omdat ek glo dat ‘n mens jou talente met ander mense moet deel, deel ek graag hierdie “familie resep”  met julle!(sshhhh - dit is 'n geheim)

Ouma se tamatie en uie smoor

(Dit is 'n groot maat resep, so julle kan dit in gesteriliseerde flesse sit en in die yskas hou of in vriesbare houers vries.)

·        2.5kg tamaties

·        1kg uie

·        1 koppie suiker

·        1tl peper

·        1tl neutmeskaat

·        ½tl naeltjie

·        Sout na smaak

Kook gekerfde uie sag en braai effens.  Gooi kookwater oor tamaties en laat staan vir so ± 2 minute.  Dompel dan die tamaties in yskas water om die velle makliker te kan aftrek. (as jy nie lus is vir die proses nie, kan jy sommer dieselfde hoeveelheid klaar gesnyde blikkies tamatie vat – Kan die Farmgirl aanbeveel) Sny die tamaties in klein stukkies en voeg by uie en kruie.  Kook goed en skep in flesse of bakies.

En omdat dit naweek is, is ek lus vir behoorlike Sondagmiddag ete met boudvleis, groente, gebakte aartappel en nagereg!!  Nie almal het die geduld of tyd om gebraaide boud in die oonde te maak nie, so hier is ‘n maklike alternatief.

Vra jou slagter vir ‘n ontbeende skaapboud (as jy soos ek dit nie self kan ontbeen nie)  Koop twee houertjies van jou gunsteling slaaisous (nie die dieet tipe nie!!)  Verkieslik die wat romerig is – ek hou nogals van die Heuning-en-mostert een.  Sit die boud saterdagaand, net voor die 19:00 rugby, in ‘n braaipan, geur met speserye avn jou keuse en gooi die houertjies slaaisous bo-oor.  Na die 19:00 rugby draai jy die boud om(sodat die ander kant nou in die sous lê) en maak weer so voor jy gaan slaap.  Met jou oggend koffie draai jy dit weer en ‘n laaste keer as die vuur aangesteek word. Ja, jy het reg gelees – die vuur moet aangesteek word.  Geen vrou moet so alleen hard werk nie!!) So steek die man(s) aan die werk om die vuur aan te steek.  (Indien jy enkellopend is, nooi mense oor - jy kan in elke geval nie 'n hele boud jouself opeet nie! (Sorg dat een van die gaste ‘n man is wat 'n vuur kan aansteeek en kan braai. Sekere vrouens moet  die vuur aansteek omdat hul mans nalatig was tydens ‘n vuur aansteek episode – sal nie name noem nie!!)

Braai die boud rustig oor die kole (terwyl ‘n ou wyntjie gedrink word) tot dit gaar is na smaak.  Bak mieliekoekies en aartappels om saam te bedien of enige ander bykosse.  Vir nagereg - 'n lekker Malva poeding met vla of roomys.

Party mense is mense ongelukkig om allergies te wees vir seker kossoortesoos  bv graan, suiwel ens.  Gewoonlik dink ons dan dat hulle nie nagereg(of koeke en terte) kan eet nie.  Dit is egter so ver van die waarheid soos wat ek van jou af is.  Jy kry die lekkerste resepte vir nageregte (en koeke en terte) wat ondere andere graanvry is.  Hier is ‘n heerlike Malva nagereg resep wat graanvry is!!  So daar is geen verskonings nie!!

Malva pudding

Ingredients:

3/4 cup rice flour

1/4 cup maizina

1 cup sugar

2tbsp butter

2tbsp syrup

1 cup milk

1tsp vinegar

2 eggs

1tsp baking soda

salt

Method:

Mix butter and sugar until soft and creamy. Add eggs and mix. Add syrup and vinegar. Mix baking soda into milk and add to mixture, alternating with sifted dry ingredients until a smooth mixture is obtained. 

Bake in a deep dish at 180 degrees Celsius for ~ 35mins.

Vir dié van julle wat allergies is vir graan maar 'n soettand het of vinnig 'nsoetdingetjie nodig het ek wonderlike nuus  - gaan besoek die "The Little Bakery".  Hulle maak verskillende graan, suiker en suiwelvry produkte en glo my dit is lekker – ek het al meer as een van hulle produkte geproe!!

Hoop julle het 'n wonderlike kuier naweek!!


The Little Bakery se produkte word saam met die beste koffie in Kaapstad bedien by "The field office" in Barrack Straat 7, Kaapstad (of skakel Katie: 072 667 9591/San: 072 221 7779 / 021 872 4275 of besoek hulle  webtuiste by http://thelittlebakery.withtank.com)